«Қазақстанның демократиялық таңдауы» қозғалысы туралы арнайы зерттеу жасаған Индиана университетінің түлегі, Питцер колледжі деканының орынбасары Барбара Жүнісбай Азаттық радиосына 2001 жылғы қарашаның 18-і құрылған оппозициялық ұйымның не себепті сәтсіздікке ұшырағаны туралы сұқбат берді.
Тәуелсіз газеттерде "Қазақстанның демократиялық таңдауы" халықтық партиясының жетекшісі Ғалымжан Жақияновтың 21 қаңтарда екі күнге айып изоляторына қамалған соң оның денсаулығы қатты нашарлап кеткендігі жазылыпты.
Қаңтардың 29-ы күні «Қазақстанның демократиялық таңдауы» халықтық партиясының Алматыдағы кеңсесінің алдында жүздеген адам жиналып, ооопозициялық партияны жабу туралы шығарылған сот шешіміне наразылық білдірді.
Қаңтардың 22-сі күні Ғалымжан Жақиянов Шідерті колониясындағы айып оқшаулағышынан (ШИЗО) мерзімінен бұрын шығарылғанынын Азаттық радиосына телефон арқылы өзі хабарлады. Ол содан бір күн бұрын «тәртіп бұзған» деген желеумен оқшаулағышқа қамалған еді.
Шідерті колониясында жазасын өтеп жатқан Ғалымжан Жақиянов жұма күні айып оқшаулағышына (ШИЗО) қамалды. Оппозиция лидерінің түрме ішіндегі түрмеге қамалуының астарында не жатыр?
Осыдан үш жыл бұрын Алматыдағы цирк ғимаратында барша қазақстандық оппозиция бас қосып, Қазақстанға саяси реформалар қажеттігі жөнінде жариялаған болатын. Содан бері жыл сайын олар қаңтардың 19-ы күні жиналып, өткен жылға саяси баға береді.
