Израиль премьер-министрі Нафтали Беннет Мәскеуге Ресей президенті Владимир Путинмен Украинадағы жағдай туралы сөйлескеннен кейін Украина президенті Владимир Зеленскийге қоңырау шалған. Осыдан кейін ол Германияға канцлер Олаф Шольцпен кездесуге ұшып кеткен. Бұл туралы Jerusalem Post жазды.
Компьютерлік жабдықтар мен бағдарламалық жасақтама өндіру жөнінен әлемнің ең ірі компанияларының бірі саналатын IBM технологиясын Ресейге бұдан әрі сатпайтын болды.
Азаттық радиосының Орыс қызметі Ресейдегі жұмысын тоқтатты
Бұған Ресей мемлекеттік думасының жаңа заңы түрткі болды. Заң "Ресей әскерінің Украинадағы әрекеті туралы жалған ақпарат" таратқанды 15 жылға дейін бас бостандығынан айыруды көздейді. 4 наурыз күні салық органдары Орыс қызметінің банкроттығы туралы процедура бастап, полиция Азаттық тілшілеріне деген қысымды күшейте түсті. 4 наурызға қараған түні Роскомнадзор Орыс қызметінің Ресей аумағындағы сайттарын бұғаттады.
Азаттықтың Орыс қызметі бұдан әрі жұмысын шетелден жүргізеді. Ресейдің Украинадағы басқыншылық соғысы туралы хабар таратуын тоқтатпайды.
Алматы: Ресей агрессиясын айыптайтын митинг
Алматыда белсенділер Украинадағы соғысқа қарсылық білдіріп Сарыарқа кинотеатры артындағы саябаққа наразылыққа жиналды. Олар Украинаға қарсы Ресей агрессиясын айыптап, бейбітшілік орнауын талап етеді.
ПІКІРЛЕР