Бір сөйлеммен:
- 3 наурызда Ресей мен Украина арасындағы келіссөздің екінші раунды өтуі тиіс.
- 3 наурызда Путин Қауіпсіздік кеңесі мүшелерімен жиын өткізіп, Украинадағы қаза тапқандар жайлы айтады деп жоспарланған.
- Швециялық IKEA жиһаз дүкені Ресей мен Беларусьтегі жұмысын тоқтатты.
- Формула-1 авторжарысы Сочи гран-приімен келісім-шартты үзді. Келісім-шарт 2020 жылға дейін жасалған еді.
- Бір доллар 110 рубльге жетті.
Украина президенті Владимир Зеленскийдің 3 наурыздағы видеоүндеуінен негізгі бес цитата:
- Қорғанысымыздың барлық шебі сақтаулы. Жаудың стратегиялық қадамдарының барлығынан нәтиже шыққан жоқ.
- Біз қираған әр үйді, әр көшені, әр қаланы қалпына келтіреміз.
- Ресей жұмыс істеу мүмкіндігін тартып алған әр жұмысшыға, әр кәсіпкерге, әр азаматымызға 6500 гривен (шамамен 216 доллар) береміз.
- Соғысқа қарамастан зейнетақыны толық төлейміз. Заңға сай, зейнетақыға индексация жасаймыз. 1 наурыздан бастап украиналықтардың зейнетақысы 14 пайызға индексацияланады (өседі).
- Украинаға еріктілердің алғашқы тобы – 16 мың адам келді.
Украина тарабы ресейлік 9 мың әскери қаза болғанын айтады.
Кеше, 2 наурызда Ресей қорғаныс билігі Украинадағы соғыста 500-дей әскерінен айырылғанын, 1957 әскериінің жараланғанын айтқан. Мәскеу Украина тарапынан 2870-тен аса әскери қаза болып, 3700-тен аса адам жараланды, 572 адам кепілге алынды деген.
Соғыс жағдайында мұндай ақпараттарды тексеру мүмкін емес.
Ресейлік әскерилер Херсон облыстық әкімшілік ғимаратын алғаны хабарланды
Ресей әскерилері Украинаның Херсон облысының әкімшілік ғимаратын алды. Бұл туралы Херсон облыстық әкімшілігінің төрағасы Геннадий Лагута мәлімдеді.
Бірақ Лагута облыс әкімшілігі міндеттерін орындауды арықарай жалғастыра беретінін айтты.
"Мен басқарып отырған облыстық жедел штаб облыс тұрғындарының мәселесін шешу үшін жұмысын жалғастырып жатыр. Гуманитарлық көмекті күтіп отырмыз" деп жазды ол телеграмм-каналында.
Лагута жергілікті тұрғындарды "алаңдамауға шақырды".
"Жедел штабтың регламентіне сай жұмыс жалғасып жатыр" деді ол.
ПІКІРЛЕР