Ресей президенті Владимир Путин мен Франция басшысы Эммануэль Макрон бүгін тағы да телефонмен сөйлескен. Кремльдың жазуынша, Путин Макронға Ресейдің мақсаты Украинаны қарусыздандыру мен бейтарап статусына қол жеткізу екенін тағы айтқан.
Кремль "Путин Киев келіссөзді соза берсе Мәскеу талаптарын көбейтетінін жеткізді" дейді.
Ресей Украинадағы Чернигов қаласындағы тұрғын үй кешеніне әуеден шабуыл жасағаны хабарланды.
Облыстық әскери әкімшілік басшысы Вячеслав Чаустың айтуынша, Чернигов қаласына шабуылдан тоғыз адам қаза тауып, төрт адам жараланған.
Қаладағы екі мектеп пен жеке үйлер бүлінген.
Соғыс уақытында мұндай ақпараттарды басқа дереккөздерден тексеру мүмкін емес.
Ресейлік "Дождь" телеарнасының бас директоры Наталья Синдеева эфирде телеарнаның жұмысы уақытша тоқтайтынын мәлімдеді. Бұған дейін Ресей билігі бұл телеарнаның сайтын бұғаттаған еді.
Ресей солдаттары Украинадағы дүкендерді тонап жатыр
ПІКІРЛЕР