Кейінгі айда әуе рейстері кестедегі уақытынан кешігетініне көп адам шағынды. Қазақстан азаматтық авиация комитеті ұшақтардың кешігуі жаппай сипат алып отырғанын растады. Жолаушылар рейс уақытының шегерілуімен қоса әуе компанияларының қарым-қатынасына да наразы.
Бішкек Қазақстанға егістік суару үшін қосымша су береді деген ақпарат Қырғызстанда қарсылыққа ұшырады. Қазақстан экология, геология және табиғи ресурстар министрі Серікқали Брекешов Қырғызстаннан алатын су көлемін көбейту үшін жұмыс жасалып жатқанын хабарлаған еді.
Орыс тіліндегі "Масяня" мультфильмінің Қытайдың Ресейді фашизмнен құтқару үшін басып алғаны туралы эпизоды YouTube желісінде трендке айналды. Ресей дәл осындай желеумен 24 ақпанда Украинаға басып кірген еді.
Атырауда бір топ полицей Қаңтар оқиғасы кезінде оққа ұшқан Алмаз Берекеновтің отбасынан кешірім сұрады. Олардың арасында Алмазға "оқ атқан" делінген полицей де болды дейді марқұмның туыстары. Тергеу органы 35 жастағы жігіттің өлімінен соң қозғалған істі "қылмыс құрамы жоқ" деп тоқтатқан.
Кейінгі алты айда Орталық Азияның үш елінде халық толқып, соңы қантөгіске ұласты. Қаңтарда Қазақстан, мамырда Тәжікстан, шілдеде Өзбекстан билігі ел наразылығын күшпен басып, бәрі бірдей «сыртқы күштерді» айыптады, бірақ оның кім екенін айтпады.
Қырғызстан ішкі істер министрлігі Орталық Азияда экстремизм мен терроризм қаупі арта бастағанын мәлімдеді. Халықаралық экстремистік және террорлық ұйымдар аймақтың ішкі кикілжіңдеріне араласуды көздейді дейді министрлік.
Шри-Ланка президенті Готабая Раджапакса елдегі жаппай наразылықтан соң елден қашуға мәжбүр болды. Азия құрлығындағы шағын арал елде не болып жатыр? Ел неге наразылыққа шықты? Түсіндіреміз.
"Талибан" қозғалысы Ауғанстан мен Тәжікстан шекарасы маңында жаңа бақылау бекетін тұрғызып жатыр. Тәліптерді Ауғанстанның заңды билігі деп мойындамаған Душанбе мұны "Тәжікстанға сес көрсету" деп санайды.
Қазақстандық теннисші Елена Рыбакина Wimbledon жарысын жеңген соң ресейлік БАҚ оны "орыс теннисшісі" мен "мәскеулік теннисшіге" айналдырып жіберді. Оның жеңісін "Ресей теннис мектебінің жемісі" деп танып жатқандар да табылды.
Полигамия Қырғызстанда заң жүзінде тыйым салынған, бірақ ер азаматтар көп әйел алудан тартынар емес. Заңмен бекітілмеген бұл некелер күйеуіне тоқал болып тиген әйелдердің тіршілігін қиындатады.
Сарапшылар Қарақалпақстанның "егемен" статусын өзгерту бастамасын кім ұсынса да бұған Өзбекстан президенті Шавкат Мирзияев жауапты деп санайды.
Лисичанск үшін шайқас ұзаққа созылып, талай қан төгілді. Ресей әскері Украина шығысындағы бұл қаланы басып алып, Луганск облысына толықтай бақылау орнатты. Толассыз артиллериялық шабуылдан соң Украина әскері қираған қаланы тастап шығуға мәжбүр болды.
Өткен апта соңында Қарақалпақстан астанасы Нүкіс пен аймақтың өзге қалаларында жаппай наразылық тұтанып, тұрғындар Қарақалпақстанды "егемен" (суверенитет) статусынан және Өзбекстан құрамынан шығу құқығынан айыруға қарсы шықты. Кемі 18 адам қаза тауып, жүздеген адам жараланған.
Грузия оппозициясы қазіргі кабинетті таратуды, елдің Еуроодақ мүшелігіне кандидат статусын алуына қажет реформаларды іске асыратын "ұлттық келісім" үкіметін құруды талап етті. Премьер-министр қызметтен кетпейтінін айтты. Жексенбіде Тбилисиде наразылық митингісіне ондаған мың адам шықты.
Ресей Украинаның Одесса қаласын атқылады. Зымыранның тұрғын үйге түскені, жиырмаға жуық бейбіт тұрғын қаза тапқаны хабарланды.
Қазақстан парламенті демалысқа кетті. Ел тарихындағы ең қанды, қаралы қаңтар оқиғасы туралы депутаттар қаншалықты "талапшыл" болды?
Тағы