Украинадан Еуропаға кетіп бара жатқан әйел мен бала. 5 наурыз 2022 жыл.

Украинадағы соғыс. 1-8 наурыз арасында не болды?

1 наурыз 2022 жыл, 08:23

Украинадағы соғыс жайлы барлық ақпаратты осы парақшадан таба аласыз.

Украинада шайқас жүріп жатқан аймақтардан бейбіт тұрғындарды эвакуациялау үшін гуманитарлық коридорлар ашылды. Коридор ашуды екі тарап келіссөз кезінде келіскен.
Украина Ресей 12 мың әскерінен айырылды деп отыр.
АҚШ Ресей мұнайынан бас тартады.
Украинадан соғыс басталғалы екі миллион адам елден кетуге мәжбүр болған.
Украина президенті Владимир Зеленский Киевте екенін мәлімдеп, бірнеше видео жариялады.
Британиялық Shell мұнай-газ компаниясы ресейлік жобалардан шығатынын, Ресейден мұнай шикізатын алмайтынын мәлімдеді.
Жапония мен Австралия да Ресейге санкцияны күшейтті.

15:51 8.3.2022

Украинаның вице-премьері Ирина Верещук бейбіт тұрғындарды эвакуациялау үшін гуманитарлық коридор Мариуполь — Запорожье арасында ашылғанын мәлімдеді.

15:54 8.3.2022

БҰҰ есебінше, соғыс басталғалы Украинадан екі миллион адам кеткен. Олардың басым бөлігі Польшаға өткен.

БҰҰ бұл Еуропадағы Екінші дүниежүзілік соғыстан бергі ең үлкен босқындар дағдарысы деп мәлімдеді.

15:58 8.3.2022

Британиялық Shell мұнай-газ компаниясы ресейлік жобалардан шығатынын, Ресейден мұнай шикізатын алмайтынын мәлімдеді. Бұған қоса, компания Ресейдегі ұшақтарға арналған жанармай шығаратын сервис станцияларын да жабады.

16:39 8.3.2022

Ресей - санкциялар бойынша лидер

Америкалық Castellum.AI технологиялық компаниясының есебінше, Ресей санкциялар саны бойынша әлемде алдыңғы қатарға шықты. Бұл елге 5500-ден астам санкция салынған. Путин әскері Украинаға басып кіргелі, яғни, 24 ақпаннан бері Ресей 2778 санкцияға ілікті.

Ресей - 5532 санкция
Иран- 3616
Сирия - 2608
Солтүстік Корея- 2077
Венесуэла - 651
Мьянма - 510
Куба - 208

Дереккөз: Castellum.AI

Тағы

Accessibility links

Жазылыңыз

Украинадағы соғыс. 1-8 наурыз арасында не болды?

ПІКІРЛЕР