Беларусьте Украина мен Ресей арасындағы келіссөздің үшінші раунды басталды. Алғашқы екі раунд айтарлықтай нәтиже бермеген еді.
Украина МАГАТЭ-ге Запорожье АЭС-інің жұмысшылары жұмыстарын жалғастырып жатқанын, бірақ "станцияның басшылығы ресейлік командирдің бұйрығына бағынышты" деп мәлімдеген.
Бірнеше күн бұрын Ресей әскерилері Запорожье атом станциясына бақылау орнатқан еді.
"6 A сыныбындағы диссидент"
"Новая газетаның" жазуынша, Мәскеуде алтыншы сынып оқушысы сабақта Ресейдің Украинадағы әрекетімен келіспей мектептің коридорында "Слава Украине!" деп айғай салған. Осыдан соң оның үйіне полицейлер келген. 12 жастағы ұл бала үйінде жалғыз болып, есікті ашпай қояды. Кейін оның үйінің жарығын өшіріп тастаған.
Ресей әскерилері Мелитополь қаласындағы телемұнараны және радиобайланыс мұнарасын басып алды. Қала әкімі Иван Федоров тұрғындарға "телеарналар мен радиоларда тарап жатқан контент жергілікті биліктің бақылауында емес" деп ескертті.
ПІКІРЛЕР