Украина-Ресей келіссөзінің екінші раунды жайлы қазірге бар ақпарат мынау болып тұр:
Ресей президентінің баспасөз хатшысы Дмитрий Песков журналистерге "2 наурыз кешке таман Ресей делегациясы Украина өкілдерін келіссөзде күтеді" деді. Песков келіссөз қайда өтетінін айтпады.
Украина ішкі істер министрі Дмитрий Кулеба Ресеймен келіссөздің екінші раунды қашан өтетін білмеймін деп мәлімдеді.
Ресей Киев телемұнарасын "Калибр" ракетасымен атқаны хабарланды
"Настоящее время" телеарнасының тілшісі Роман Сухан "украиналық әскерилер Киевтегі телемұнараға "Калибр" қанатты ракетадан шабуыл жасалғанын анықтады, мұндай екі ракета атылған" деді.
1 наурызда Ресей Киевтегі телемұнараға әуеден шабуылдап, кемі бес адам қаза тапқан еді.
Еуропа одағы Ресейге еуро валютасын жеткізуге тыйым салды. Бұған қоса, Еуропа одағы ВТБ, "Россия", "Открытие", Новикомбанк, Промсвязьбанк, Совкомбанк және ВЭБ банктерін SWIFT жүйесінен өшірді.
Харьковқа тағы шабуыл жасалды
Харьковқа бүгін тағы ракетадан шабуыл жасалғаны хабарланды. Шабуылдан қалалық кеңестің және соның жанындағы ғимараттардың терезесі сынған.
Украина президенті кеңсесінің өкілі Алексей Арестович брифингте Харьковқа реактивті жүйеден шабуыл жасалғанын айтты.
ПІКІРЛЕР